 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Гэй, хадзі ў карчомку,
Дружа малады!
Гарэлачкі вып’ем
З гора ды зь бяды!
Ўтопім долю ў чарцы
Хоць на час сваю,
Там табе я песьню
Гулка прапяю.
Чарачка-галубка
Шчасьця дадае
І сэрца, і думкі
Весяліць твае.
Пры чарачцы поўнай
Радасна ў вачах, –
I добрымі людзі,
І жыцьця ня страх.
I сябе пры чарцы
Ў крыўду б не даваў,
I за сваю б праўду
З кожным ваяваў.
I кроў маладая
Ў жылах закіпіць,
I дзяўчынку-сонца
Хацеў бы туліць.
Дык чаго марудзіш,
Дружа малады?
Хоць раз хадзі ўп’ёмся
З гора ды зь бяды!
[1906–1910]
|
|
|
|
Падабаецца
Не падабаецца
|
|
|
2009–2021. Беларусь, Менск.
|
|
|
